«Սպառողների խորհրդատվության կենտրոն» հասարակական կազմակերպությունը (այսուհետ`

Կազմակերպություն) ոչ առևտրային կազմակերպություն է, որում իրենց շահերի ընդհանրության հիման վրա 

օրենքով սահմանված կարգով միավորվել են ֆիզիկական անձինք` իրենց ոչ կրոնական հոգևոր և ոչ նյութական այլ 

պահանջմունքները բավարարելու, իրենց և այլոց իրավունքներն ու շահերը պաշտպանելու, հասարակության 

առանձին խմբերին նյութական և ոչ նյութական աջակցություն ապահովելու, հանրօգուտ այլ գործունեություն 

իրականացնելու նպատակներով:

Կազմակերպությունը հիմնադրվել է 2013 թ. նոյեմբերի 25 – ին, գրանցվել է ՀՀ իրավաբանական անձանց 

պետական ռեգիստրի կողմից 2013 թ. դեկտեմբերի 9 – ին:

Կազմակերպությունը գործում է ՀՀ օրենսդրության, ՀՀ միջազգային պայմանագրերի և կանոնադրության հիման

վրա:

Կազմակերպության գործունեության սկզբունքներն են. օրինականությունը, կամավորությունը, իրահավասարությունը, ինքնակառավարումը և հրապարակայնությունը:

Կազմակերպությունը գործում է ՀՀ ողջ տարածքում և օտարերկրյա պետություններում` այդ պետությունների օրենսդրությանը համապատասխան:

Կազմակերպության հայերեն լրիվ անվանումն է` «ՍՊԱՌՈՂՆԵՐԻ ԽՈՐՀՐԴԱՏՎՈՒԹՅԱՆ ԿԵՆՏՐՈՆ» ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆ:

Կազմակերպության ռուսերեն լրիվ անվանումն է` «КОНСУЛЬТАЦИОННЫЙ ЦЕНТР ПОТРЕБИТЕЛЕЙ» ОБЩЕСТВЕННАЯ ОРГАНИЗАЦИЯ

Կազմակերպության անգլերեն լրիվ անվանումն է` “CONSUMERS` CONSULTING CENTER” NON-GOVERNMENTAL ORGANIZATION

Կազմակերպության գտնվելու վայրն է` ՀՀ, ք. Երևան, Ա. Հովհաննիսյան 12